【文汇网讯】(香港文汇网 记者 许嘉信)新一届立法会将会响下月中「开锣」，立法会大楼除咗会有一批新面孔H议员进驻之外，一啲新H系统同设施亦都即将投入服务，方便议员工作，其中一个亮点就系推出咗新H电子表决系统。究竟内里有咩干坤?等郑晴为大家先睹为快啦!
过往H立法会会议，议员如果要就各项议案进行表决，需要利用安装响佢地座位前面H电子表决系统投票，呢个系统由5年前立法会大楼落成一直用到依家。立法会秘书处话，原有系统用咗咁耐，开始出现老化，亦有议员反映过揿掣投票会出现问题。
有见及此，秘书处就推出新H电子表决系统，议员日后需要利用座位前新安装H平板电脑投票，屏幕除咗会显示讯息，提示议员会议去到咩阶段同埋议案内容之外，仲可以俾议员翻查自己过往H表决结果。秘书处话，新系统较旧系统更容易进行维修，系统稳定性都较高，至于旧系统H收听即时传译功能就继续运作。
要加入边啲委员会，都系议员需要细心思考H问题。秘书处今次亦新推出一个网上系统，俾议员示明加入边啲委员会或小组委员会，取代以往利用传真通讯。议员只需要登入系统，就可以进行报名，仲可以睇到各个委员会有边啲议员报咗名添，认真方便。
另外，每年都有好多公众人士嚟立法会大楼参观，不过就冇得零距离接触议事堂。因此秘书处就搞搞新意思，响地下大堂展览区旁边增设模拟主席台同埋议员座位，俾参观人士「打卡」，过吓主席瘾同议员瘾。相信立法会复会之后，呢个新景点一定深得市民喜爱。
责任编辑：京辰