【文汇网讯】当外界关注「独鸳鸯」仲会搞乜名堂H时候，寻日梁游就销声匿迹，完全无现身立法会。不过呢，记者发现原来寻日朝早立法会开会H时候，梁颂恒就一枝公去咗湾仔伊利沙伯体育馆竞投摊位，密谋喺维园年宵「摆档播『独』」。但梁游早已系过街老鼠，唔少在场人士都对佢投以异样目光，仲不时指指点点。
对于市民H非议，梁颂恒就扮睇唔到，全程低头望手机，仲喺公众场合翘起只脚咁坐，态度好嚣咁囉。寻日成个竞投过程梁颂恒都好鬼祟，一路喺度遥控两位跟班分开帮佢举牌竞投。佢离开会场嗰时都「闪闪缩缩」，同跟班前后脚离开。后来梁自己喺Facebook话，有「狗仔队」从伊馆一路追佢到湾仔港铁站㖞。点仔就发现，原来之前有段「正义师奶」痛斥梁颂恒H短片喺网上好受欢迎，有网友于是发起「全民追拍」「港独」分子活动，睇嚟市民系积极响应囉!
点仔后来仲八到，梁颂恒寻日以6.61万成功投得维园年宵199号摊位及200号摊位，其中转角位摊位费更高达4.55万，揼本程度直逼公民党H7.15万。哗，无得做议员之后梁游要回水接近200万㖞，仲有钱去维园摆档?唔通真系有「金主」?有成功投得「青政」附近摊位H档主同点仔讲，到办手续时先知道隔篱系「青政」，好无奈咁话。不过都有喺附近H档主话，希望到时候唔好咁乱，搞到大家做唔到生意。系囉，今年大年初一旺角暴乱大家都仲系好惊惊， 「港独」千祈唔好又喺明年新年去冲击维园啦!
责任编辑：于岄鸣