【文汇网讯】据点新闻报道，梁颂恒、游蕙祯丧失议员资格，青年新政变废青新政，无得捞啦，咁可以打咩工呢?《明报》寻日就出咗佢哋两个H专访，游蕙祯透露，话佢妈妈呢几日都叫佢去揾工，虽然佢无讲到咁白，话香港地无人再愿意请佢哋两个，但问题系香港仲有人会请佢哋咩?佢妈妈仲闹佢，点解佢讲嘢唔经大脑，宣誓时要辱华。花心恒就话，未谂到会做咩工，亦都想像唔到有咩人会请佢。真系早知今日又何必当初呢?
至于办公室入边好多酒樽，梁颂恒竟然话，因为要用酒精减压㖞!不过酒樽都无得留低，因为梁游被下令寻日下昼五点前收拾细软，迁出立法会大楼。记者上立法会十楼睇过，大约三点几，大队人马就由办公室走晒出嚟，有人孭住大声公，又有人推手推车将大堆纸箱同一袋袋杂物带走，有影印机、垃圾桶咁，听行家讲，来来回回都有几十程手推车咁多嘢。
话说记者上十楼H时候一出电梯真系当堂吓咗一跳。帮手搬走电脑_H搬运工人竟然将手术口罩剪开两个窿当面罩蒙面， 好似一出日本卡通H蒙面主角囉。梁游两人就无亲自出马执包袱走，不过派出咗多名助理同青政成员，好似青政前发言人黄俊杰、一直支持「本土派」H港大学生会前会长冯敬恩都有现身，又系戴晒口罩，不过都一样咁易认。点仔想问下，其实佢哋系咪真系特别钟意口罩，定系大家呢排都中招惹到传染病呢?
责任编辑：星空