Ann姐寻日就喺个人facebook度发文，话畀成班「老友记」知，北上深圳、广州有啲咩优惠
【文汇网讯】
香港「老友记」凭长者卡搭车可享两蚊优惠，但原来仲未够笋，香港长者凭一张「回乡卡」去内地玩乐和乘坐交通工具，优惠分分钟更加劲！民建联立法会议员蒋丽芸（Ann）寻日就喺个人Facebook专页度发文，话畀成班「老友记」知，北上深圳、广州系可以免费乘坐公共巴士同地铁H，去广州仲可以免费坐渡轮过江添。
70岁以上五乐园免入场费
阿Ann话，喺广州，60岁或以上长者可享半价优惠，入去文化馆、纪念馆、博物馆，同埋半价睇戏，连睇医生都可以悭番门诊挂号费。讲到深圳就仲蚍A60或以上女性同65岁以上男性，唔止可以免费进入市内任何公园、旅游景区、博物馆、美术馆等文化场所，仲可以去公共体育场所book场打波，完全唔收钱！如果你系70岁以上，「世界之窗」、「欢乐谷」等五个着名主题乐园仲免费入场。哗哗哗，优惠随时多过香港！
不过阿Ann又温馨提示，只要各位「老友记」去边都要带住「回乡卡」，去玩、坐车H时候，出示畀职员睇就得，随时唔使钱就可以深穗玩足一日。咁睇起嚟，内地针对老人H优惠比香港做得更全面，实在值得学下。
责任编辑：刘云